Бүгін біздің мектеп «Қолжетімділік. Теңдік. Өрлеу.» атты облыстық семинардың практикалық алаңы болды. Семинар I Дүниежүзілік инклюзивті білім беру конгресінің қорытындыларына арналды.

Бүгін біздің мектеп «Қолжетімділік. Теңдік. Өрлеу.» атты облыстық семинардың практикалық алаңы болды. Семинар I Дүниежүзілік инклюзивті білім беру конгресінің қорытындыларына арналды. Қатысушылар барлық оқушылар үшін тең мүмкіндіктер жасауға бағытталған заманауи тәсілдерді талқылап, инклюзивті білім беруді дамытуға ықпал ететін тәжірибелік шешімдерімен бөлісті.

Біздің мектептің педагогтері өткен семинар барысында жоғары кәсіби шеберліктерін және терең әдістемелік дайындықтарын көрсетті. Іс-шара барысында бірқатар шеберлік сағаттары, ашық сабақтар мен сыныптан тыс іс-шаралар өткізілді. Әрбір жұмыс түрі мазмұндылығымен, инновациялық тәсілдерімен және қатысушылардың белсенді қатысуымен ерекшеленді. Педагогтердің баяндамалары практикалық мысалдармен, интерактивті тапсырмалармен және қызу пікірталастармен толықтырылып, ынтымақтастық пен шығармашылық алмасу атмосферасын қалыптастырды. Ерекше назар заманауи педагогикалық цифрлық технологияларға аударылды.

Сонымен қатар, біздің педагогтер өздерінің зерттеу жобаларының нәтижелерін ұсынған баяндамалар жасап, әртүрлі жастағы және дайындық деңгейі әртүрлі балалармен жұмыс істеудің тиімді стратегияларымен бөлісті. Бұл семинар қатысушыларының үлкен қызығушылығын тудырып, әрі қарай кәсіби пікірталастардың негізіне айналды.

Іс-шараның атмосферасы іскерлікпен қатар жылы әрі достық жағдайда өтті. Бұл тек тәжірибе алмасуға ғана емес, жаңа кәсіби байланыстар орнатуға да мүмкіндік берді. Семинар қатысушылары біздің мектептің жоғары деңгейдегі дайындығы мен ұйымдастырушылығын атап өтіп, пайдалы тәжірибе үшін ризашылықтарын білдірді. Көптеген педагогтер алған білімдері мен идеяларын өздерінің педагогикалық тәжірибесіне енгізетіндерін айтып өтті, бұл өз кезегінде олардың оқу орындарындағы білім сапасына оң әсерін тигізетіні сөзсіз.

Біздің педагогтердің семинарға қатысуы олардың жоғары кәсібилігін ғана дәлелдеп қоймай, сонымен қатар табысты педагогикалық өзара әрекеттестіктің, тәжірибе алмасудың және үздіксіз дамуға ұмтылыстың жарқын үлгісіне айналды.