Бүгін пәндік апта аясында музыка және ритмика пәнінің мұғалімі Кенжесарина Уразбике Омирсериковна қазақ вальсінің королі, ұлы композитор Шәмші Қалдаяқовтың туғанына 95 жыл толуына арналған «Шәмшінің әндері – халықтың жүрегінде» атты салтанатты музыкалық кеш ұйымдастырды.

Бүгін пәндік апта аясында музыка және ритмика пәнінің мұғалімі Кенжесарина Уразбике Омирсериковна қазақ вальсінің королі, ұлы композитор Шәмші Қалдаяқовтың туғанына 95 жыл толуына арналған «Шәмшінің әндері – халықтың жүрегінде» атты салтанатты музыкалық кеш ұйымдастырды.

Кеш жылы да шынайы атмосферада өтті. Зал сүйікті әуендердің сазына, естеліктерге, шын көңілден туған эмоцияларға толы болды. Қатысушылар композитордың өмірбаянымен танысып, оның шығармашылық жолы мен Қазақстан музыка мәдениетіне қосқан үлесі туралы қызықты мәліметтер алды.

Кешке «Көгілдір Көкше» ұзақ өмір сүру орталығының өкілдері қатысып, Шәмшінің әндерін нақышына келтіріп орындап, көрермендердің жүрегіне сағыныш пен жылулық сыйлады.

9 «Б» сынып оқушылары «Сұлу қыз» әнінің желісі бойынша көрініс қойып, туындының мазмұны мен көңіл-күйін әсерлі жеткізе білді.

Кештің ерекше сәттерінің бірі – түлек Рейтарова Кристинаның композитордың танымал әуеніне билеген биі болды. Бұл қойылым махаббат пен сұлулықтың нағыз гимніне айналды. 9 «А» сынып оқушыларының домбырада орындаған нәзік, тебіреністі саздары кештің көркемдігін арттыра түсті.

Музыкалық кеш рухани шабыт, ұлттық мұраға деген құрмет пен мақтаныш сезімінде өтті.