Бүгінгі «Акмолинская правда» облыстық газетінде қазақ вальсінің королі - ұлы композитор Шәмші Қалдаяқовтың туғанына 95 жыл толуына арналған сыныптан тыс музыкалық кеш туралы мақала жарық көрді.

Бүгінгі «Акмолинская правда» облыстық газетінде қазақ вальсінің королі - ұлы композитор Шәмші Қалдаяқовтың туғанына 95 жыл толуына арналған сыныптан тыс музыкалық кеш туралы мақала жарық көрді. Басылым беттерінде аңызға айналған композитордың шығармашылығына деген сүйіспеншілік пен құрметке толы кештің жарқын сәттері бейнеленген.

Біз үшін ерекше қуаныш -бұл мақалада осы маңызды шараға белсене қатысқан мектебіміздің оқушыларының фотосуреттері жарияланғаны.
Оқушылар композитордың танымал әндерін орындап, оның өмірінен қызықты мәліметтермен бөлісіп, музыкалық қойылымға шын ықыласпен қатысты. Кеш өте әсерлі, шынайы және шабыттандыратын болып өтті.

Облыстық басылымдағы мақала — ұстаздарымыздың, соның ішінде музыка пәні мұғалімі Уразбике Омирсериковна Кенжесаринаның еңбегінің және оқушыларының талантының мойындалуы.

Біз Шәмші Қалдаяқовтың есімін ұлықтаған мәдени шараның бір бөлшегі болғанымызға мақтанамыз!