Бастауыш сынып мұғалімдері бірлестігінің пәндік онкүндігі аясында мұғалім Динара Темиргалиевна Кажумуратова 4 «А» сыныбында «Отбасы» тақырыбында ашық сабақ өткізді.

Бастауыш сынып мұғалімдері бірлестігінің пәндік онкүндігі аясында мұғалім Динара Темиргалиевна Кажумуратова 4 «А» сыныбында «Отбасы» тақырыбында ашық сабақ өткізді. Сабақтың мақсаты – оқушыларға отбасы туралы түсінік беру, отбасы мүшелерін дұрыс атай білуге үйрету, зейін мен есте сақтауды дамыту.

Сабақ жылы, жағымды атмосферада өтті. Көрнекі материалдарға сүйене отырып, балалар сурет бойынша отбасы мүшелерін ажыратып, олардың атауларын айтып, оқуды үйренді. Көпшілігі отбасы мүшелерін дұрыс атай алды, кейбіреулері буындап оқып, мұғалімнің көмегімен жауап берді.
Дем алу жаттығуы «Шайды суыт» оқушылардың қызығушылығын арттырды. Ойын тапсырмалары ата, әже, ана, әке атынан берілді. Балалар «Отбасы мүшесін тап», «Өз атыңды жаз», «Буынға бөліп оқы» сияқты тапсырмаларды қызығушылықпен орындады.

Сабақ оқушылардың сөйлеу тілін дамытуға ғана емес, отбасы тақырыбына деген жағымды көзқарасын қалыптастыруға ықпал етті.