03.03.2026
Көптен күткен көктем де келіп жетті. Онымен бірге ең әдемі, ең нәзік көктемгі мереке — 8 Наурыз да келді. Бұл күні мектебімізде ерекше қуаныш пен жылылыққа толы атмосфера орнады.
Бүгін мектебіміздің ең кішкентай тәрбиеленушілері сүйікті аналарына арнап нағыз мерекелік кеш
сыйлады( ұйымдастырушы - педагог Тябус С.В.) Балалардың шат күлкісі, шынайы сезімдері мен әсерлі өнерлері мерекенің көркін аша түсті.
Мерекенің ең қызықты сәттерінің бірі -сүйікті ертегі кейіпкерлері Маша мен Аюдің ( Вейс М. Ю.,Цуркан М.Е.) келуі болды. Олар балалармен бірге ойын ойнап, аналарды қуанышқа бөледі.Кішкентай өнерпаздар қалпақтармен би ( Жансеитова А. Ж.) гүлдермен би ( Кенжесарина У.О.) билеп, әндер орындап, көңілді ойындар ұйымдастырды. Әрбір би, ән, ойын балалардың махаббаты мен ықыласына толы болды.
Мереке өте әсерлі өтіп, қонақтардың жүрегінде ұмытылмас әсер мен көктемгі көтеріңкі көңіл күй қалдырды.