Текст
17.03.2026
Бүгін, 15 наурыз — қайырымдылық, мейірім және жақсылық күні. Осы күні 5 «А» сынып оқушылары мен ұстаздары шағын болса да, өте жүрекке жылы тиетін игі іс жасауды ұйғарды.
Оқушылар мектептің тазалығы мен тәртібін күн сайын қадағалап, үлкен еңбек ететін Лаззат апайға шынайы алғыстарын білдіріп, оған күтпеген сыйлық жасады. Бұл жылы ықылас пен қамқорлыққа толы сәт техникалық қызметкерге зор қуаныш сыйлап, көңілін көтерді.
Мұндай игі істер балаларды мейірімділікке, құрмет пен алғыс айтуға тәрбиелейді. Бұл әрекет әр адамның еңбегін, әсіресе жұмысшы мамандық иелерінің еңбегін құрметтеудің жарқын үлгісі болады деп сенеміз