Бүгін мектептің әлеуметтік-психологиялық қызметінің, яғни Айжан Сериковна Каримова мен Светлана Викторовна Трофимованың кәсіби бағдар беру жұмысы аясында 9–10 сынып оқушылары ата-аналарымен бірге Красный Яр ауылындағы Көпсалалы инновациялық колледжге барып қайтты

Бүгін мектептің әлеуметтік-психологиялық қызметінің, яғни Айжан Сериковна Каримова мен Светлана Викторовна Трофимованың кәсіби бағдар беру жұмысы аясында 9–10 сынып оқушылары ата-аналарымен бірге Красный Яр ауылындағы Көпсалалы инновациялық колледжге барып қайтты. Бұл экскурсия оқушылардың болашақ мамандықты таңдауына бағытталған маңызды әрі пайдалы қадам болды.

Сапар барысында қатысушылар колледждің білім беру бағыттарымен, оқу жағдайларымен және даму мүмкіндіктерімен танысты. Әсіресе механика, қоғамдық тамақтандыруды ұйымдастыру және тігін ісі бағытындағы оқу корпустарына жасалған экскурсия үлкен қызығушылық тудырды. Оқушылар оқу үдерісін көзбен көріп, әр мамандықтың ерекшеліктерімен танысты.

Тігін цехында колледж оқытушылары мен студенттері өткізген шеберлік сабағы ерекше әсер қалдырды. Оқушылар қызығушылықпен қатысып, практикалық жұмысқа да араласты.

Кондитерлік цехтағы тосынсый да есте қаларлық болды — студенттер дайындаған дәмді тоқаштармен қонақтарды қарсы алды. Бұл сәт барлығына көтеріңкі көңіл-күй сыйлады.

Экскурсия оқушылар мен ата-аналардың үлкен қызығушылығын тудырып, ұсынылған мамандықтарға деген қызығушылықтарын арттырды.

Мектеп әкімшілігі, ата-аналар және оқушылар колледж басшылығына жылы қабылдауы, көрсеткен ілтипаты және мамандықтар әлемімен жақынырақ танысуға мүмкіндік жасағаны үшін шынайы алғыстарын білдіреді.