Міне, жазғы лагерь ауысымы да өз мәресіне жетті. Бұл кезең жарқын әсерлерге, қызықты оқиғаларға, жаңа достарға және балалардың шат күлкісіне толы болды.

Міне, жазғы лагерь ауысымы да өз мәресіне жетті. Бұл кезең жарқын әсерлерге, қызықты оқиғаларға, жаңа достарға және балалардың шат күлкісіне толы болды.

Лагерь маусымы ерекше әрі көңілді нотада аяқталды. Спорттық сағаттан кейін жасақтар арасында қызу би баттлы ұйымдастырылды. Балалар өздерінің би өнерін көрсетіп, бір-біріне қолдау білдіріп, мерекелік көңіл күй сыйлады. Іс-шара барысында достық, қуаныш және көтеріңкі рух атмосферасы орнады.

Тәрбиеленушілерді лагерь маусымының аяқталуымен құттықтауға біздің тұрақты көмекшілеріміз – «Думан» педагогикалық жасағы да келді. Олардың әсерлі музыкалық нөмірлері балалар үшін тамаша сыйлық болып, мерекелік бағдарламаның сәнін келтірді.

Биылғы жылы лагерь жұмысы ерекше қызықты әрі мазмұнды өтті. Тәрбиеленушілер күн сайын экскурсияларға шығып, театрлар мен кинотеатрларға барды, табиғат аясында демалып, Копа көлінің жағалауында серуендеді, ипподромды және басқа да көптеген қызықты орындарды тамашалады. Балалар үшін түрлі байқаулар, спорттық жарыстар, шығармашылық шеберханалар мен ойын бағдарламалары ұйымдастырылды. Әр күн сергітетін таңғы жаттығудан, дәмді таңғы астан және кішкентай тәрбиеленушілер үшін тынығу сағатынан басталып отырды.

Мектеп әкімшілігі мектеп басшысы Ольга Владимировна Бурдинскаяның атынан лагерь ауысымын ұйымдастыруға және өткізуге атсалысқан барлық қызметкерлерге, балалардың демалысын қызықты, қауіпсіз әрі есте қаларлықтай еткен жандарға шынайы алғысын білдіреді.

Әсіресе, тәрбиеленушілердің бос уақытын мазмұнды ұйымдастыруда үлкен еңбек сіңірген мектептің әлеуметтік-психологиялық қызметіне,яғни Айжан Сериковна Каримова және Светлана Виктровна Трофимоваға ерекше ризашылығымызды білдіреміз.

Баршаңызға зор денсаулық, амандық, шығармашылық табыс пен шабыт тілейміз! Алдағы демалыстарыңыз жақсы көңіл күйге, жарқын әсерлерге және қуанышты сәттерге толы болсын! Балаларға көңілді жазғы демалыс, жаңа достар мен ұмытылмас естеліктер тілейміз!