Тамыз айының соңғы күндері әрбір педагог үшін ерекше кезең. Алда жаңа кездесулер, жаңа міндеттер, жоспарлар, идеялар және, әрине, мектеп өмірінің жаңа белестері күтіп тұр.

Тамыз айының соңғы күндері әрбір педагог үшін ерекше кезең. Алда жаңа кездесулер, жаңа міндеттер, жоспарлар, идеялар және, әрине, мектеп өмірінің жаңа белестері күтіп тұр.

Бүгін мектебімізде 2026–2027 оқу жылындағы жұмысты жоспарлауға арналған алғашқы педагогикалық кеңес отырысы өтті.

Педагогикалық кеңестің жұмысын мектеп басшысы Ольга Владимировна Бурдинская құттықтау және ізгі ниетке толы ақжолтай сөзімен ашты. Өз сөзінде еңбегі үшін педагогтерге алғысын білдіріп, кәсіби жетістіктерге, сенімділікке және жаңа белестерді бағындыруға тілегін жеткізді. Өткен оқу жылының қорытындысы бойынша үздік педагогтер марапатталды. Сонымен қатар еңбек тәртібі, кадрлық ауыс-түйістер және ұжымның үйлесімді жұмысын қамтамасыз ететін басқа да маңызды ұйымдастырушылық мәселелер қарастырылды.

Мектеп басшысы педагогикалық ұжымның жаңа мүшелерін таныстырып, оларға жаңа ортаға сәтті бейімделуді, жұмыстарына қызығушылық пен шығармашылық табыс, әріптестерінің қолдауын және мектеп отбасымен жақсы қарым-қатынас орнатуды тіледі.

Оқу ісі жөніндегі басшының орынбасары Ольга Михайловна Самосенко білім беру процесін ұйымдастыру мәселелеріне жан-жақты тоқталып, алдағы оқу жылының негізгі бағыттары мен міндеттерін айқындады.

Тәрбие ісі жөніндегі басшының орынбасары Асель Тулегеновна Токтобулатова тәрбие жұмысының жоспарлары мен басым бағыттарын таныстырып, оқушыларымыз үшін қолайлы әрі дамытушы орта қалыптастыруда мұғалімдер мен тәрбиешілердің бірлескен жұмысының маңыздылығына назар аударды.

Педагогикалық кеңес – бұл жай ғана жоспарларды талқылау емес. Бұл – әрбір баланың мүмкіндіктерін ашуға, оның дербес әрі өзіне сенімді тұлға болып қалыптасуына көмектесу сияқты ортақ мақсат біріктірген үлкен команданың бір бөлігі екенімізді тағы бір сезінуге мүмкіндік беретін маңызды кездесу.

Жаңа оқу жылы ізгі кездесулерге, шығармашылық идеяларға, кәсіби жеңістерге және еңбегіміздің нәтижесіне деген қуанышқа толы болсын!

Ақ жол, 2026–2027 оқу жылы!Жаңа оқу жылы мектебіміздің барша ұжымы үшін табысты, жемісті әрі қуанышты жыл болсын!